Available languages

Taxonomy tags

Info

References in this case

References to this case

Share

Highlight in text

Go





Sentenza tal-Qorti tal-Ġustizzja (It-Tmien Awla) tas-16 ta’ Lulju 2009 – Il-Kummissjoni vs L-Italja

(Kawża C-244/08)

“Nuqqas ta’ Stat li jwettaq obbligu – Sitt Direttiva tal-VAT – Artikolu 17 – Tmien Direttiva 79/1072/KEE – Artikolu 1 – Tlettax-il Direttiva 86/560/KEE – Artikolu 1 – Ħlas lura jew tnaqqis tal-VAT – Persuna taxxabbli stabbilita fi Stat Membru ieħor jew f’pajjiż terz, iżda li għandha stabbiliment fiss fl-Istat Membru kkonċernat”

Dispożizzjonijiet fiskali - Armonizzazzjoni tal-liġijiet - Taxxi fuq id-dħul mill-bejgħ - Sistema komuni ta’ taxxa fuq il-valur miżjud - Ħlas lura tat-taxxa lill-persuni taxxabbli li mhumiex stabbiliti fit-territorju tal-pajjiż jew fit-territorju tal-Komunità (Direttivi tal-Kunsill 79/1072, Artikolu 1, u 86/560, Artikolu 1) (ara l-punti 33-39 u d-dispożittiv)

Suġġett

Nuqqas ta’ Stat li jwettaq obbligu - Ksur tal-Artikolu 1 tat-Tmien Direttiva tal-Kunsill 79/1072/KEE, tas-6 ta’ Diċembru 1979, dwar l-armonizzazzjoni tal-liġijiet tal-Istati Membri rigward it-taxxi fuq id-dħul mill-bejgħ - Arranġamenti għar-rifużoni [għall-ħlas lura] tat-taxxa fuq il-valur miżjud lill-persuni taxxabbli li mhumiex stabbiliti fit-territorju tal-pajjiż (ĠU Edizzjoni Speċjali bil-Malti, Kapitolu 9, Vol. 1, p. 19) u tal-Artikolu 1 tat-Tlettax-il Direttiva tal-Kunsill 86/560/KEE, tas-17 ta’ Novembru 1986, fir-rigward tal-armonizzazzjoni tal-liġijiet tal-Istati Membri li għandhom x’jaqsmu mat-taxxi ta’ ċaqliq ta’ flus [fuq id-dħul mill-bejgħ] - Arranġamenti għall-ħlas lura tat-taxxa fuq il-valur miżjud lill-persuni taxxabbli li mhumiex stabbiliti fit-territorju tal-Komunità - Ħlas lura tal-VAT lil persuna taxxabbli stabbilita fi Stat Membru ieħor jew f’pajjiż terz iżda li għandha stabbiliment fiss fl-Italja.

Dispożittiv

1)

Ir-Repubblika Taljana naqset, fil-qasam tal-ħlas lura tat-taxxa fuq il-valur miżjud lil persuna taxxabbli li tirrisjedi fi Stat Membru ieħor jew f’pajjiż terz, iżda li għandha stabbiliment fiss fl-Istat Membru kkonċernat, milli twettaq l-obbligi tagħha taħt l-Artikolu 1 tat-Tmien Direttiva tal-Kunsill 79/1072/KEE, tas-6 ta’ Diċembru 1979, dwar l-armonizzazzjoni tal-liġijiet tal-Istati Membri rigward it-taxxi fuq id-dħul mill-bejgħ – Arranġamenti għar-rifużjoni [għall-ħlas lura] tat-taxxa fuq il-valur miżjud lill-persuni taxxabbli li mhumiex stabbiliti fit-territorju tal-pajjiż, u taħt l-Artikolu 1 tat-Tlettax-il Direttiva tal-Kunsill 86/560/KEE, tas-17 ta’ Novembru 1986, fir-rigward tal-armonizzazzjoni tal-liġijiet tal-Istati Membri li għandhom x’jaqsmu mat-taxxi ta’ ċaqliq ta’ flus [fuq id-dħul mill-bejgħ] – Arranġamenti għall-ħlas lura tat-taxxa fuq il-valur miżjud lill-persuni taxxabbli li mhumiex stabbiliti fit-territorju tal-Komunità, billi obbligat lil persuna taxxabbli stabbilita fi Stat Membru ieħor jew f’pajjiż terz, iżda li għandha stabbiliment fiss fl-Italja u li, matul il-perijodu kkonċernat, ipprovdiet merkanzija jew provvista ta’ servizzi fl-Italja, titlob il-ħlas lura tat-taxxa fuq il-valur miżjud tal-input imħallsa skont il-proċeduri previsti minn dawn id-direttivi pjuttost milli tnaqqasha meta x-xiri li għalih ikun qed jintalab il-ħlas lura ta’ din it-taxxa ma jkunx twettaq permezz ta’ dan l-istabbiliment fiss, iżda direttament mill-istabbiliment prinċipali ta’ din il-persuna taxxabbli.

2)

Ir-Repubblika Taljana hija kkundannata għall-ispejjeż.