19.12.2009 |
MT |
Il-Ġurnal Uffiċjali tal-Unjoni Ewropea |
C 312/17 |
Talba għal deċiżjoni preliminari mressqa mill-Mokestinių Ginčų Komisija Prie Lietuvos Respublikos Vyriausybės (il-Litwanja) fid-29 ta’ Settembru 2009 — Nidera Handelscompagnie BV vs Valstybinės mokesčių inspekcija prie Lietuvos Respublikos finansų ministerios
(Kawża C-385/09)
2009/C 312/28
Lingwa tal-kawża: Il-Litwan
Qorti tar-rinviju
Mokestinių Ginčų Komisija Prie Lietuvos Respublikos Vyriausybės (il-Litwanja)
Partijiet fil-kawża prinċipali
Rikorrenti: Nidera Handelscompagnie BV
Konvenuti: Valstybinės mokesčių inspekcija prie Lietuvos Respublikos finansų ministerios
Domandi preliminari
(1) |
Leġilazzjoni, li taħtha huma intitolati biss għal tnaqqis tal-VAT il-persuni taxxabbli għall-VAT, jiġifieri biss il-persuni taxxabbli li jkunu rreġistrati bħala persuni taxxabbli għall-VAT fl-Istat Membru kkonċernat (f’dan il-każ, il-Litwanja) skont il-leġiżlazzjoni fis-seħħ hemmhekk, hija konsistenti mad-dispożizzjonijiet tad-Direttiva 2006/112/KEE li tirregola d-dritt għal tnaqqis? |
(2) |
Jekk ir-risposta għall-ewwel domanda hija pożittiva, leġiżlazzjoni li biha l-persuna taxxabbli irreġistrata għall-VAT tista’ tnaqqas VAT tal-input u (jew) tal-importazzjoni ta’ oġġetti u (jew) servizzi akkwistati qabel ir-reġistrazzjoni tagħha għall-VAT biss jekk tali oġġetti se jintużaw għall-għanijiet tal-attività tagħha suġġetta għall-VAT, jiġifieri ma tkunx intitolata li tnaqqas il-VAT tal-input (tal-importazzjoni) imposta fuq oġġetti u servizzi akkwistati qabel ir-reġistrazzjoni tagħha għall-VAT jekk dawn l-oġġetti diġa ġew użati għall-ħtiġiet ta’ din l-attività, hija konsistenti mal-prinċipji ġenerali ta’ tnaqqis tal-VAT stabbiliti mid-Direttiva 2006/112/KEE? |