BG
ES
CS
DA
DE
ET
EL
EN
FR
HR
IT
LV
LT
HU
MT
NL
PL
PT
RO
SK
SL
FI
SVInfo
- Referral date: 15-02-2011
- Show case reference
- Ruling date: 25-04-2013
- AG: Jääskinen
References in this case
- C-142/99 - Floridienne u Berginvest
- C-155/94 - Wellcome Trust Ltd
- C-162/07 - Ampliscientifica u Amplifin
- C-174/08 - NCC Construction Danmark
- C-228/05 - Stradasfalti
- C-60/90 - Polysar Investments Netherlands vs Inspecteur der Invoerrechten en Accijnzen
- C-80/95 - Harnas AND Helm vs Staatssecretaris van Financiën
- C-85/11 - Il-Kummissjoni vs L-Irlanda
References to this case
- C-142/99 - Floridienne u Berginvest
- C-155/94 - Wellcome Trust Ltd
- C-162/07 - Ampliscientifica u Amplifin
- C-174/08 - NCC Construction Danmark
- C-228/05 - Stradasfalti
- C-60/90 - Polysar Investments Netherlands vs Inspecteur der Invoerrechten en Accijnzen
- C-80/95 - Harnas AND Helm vs Staatssecretaris van Financiën
- C-85/11 - Il-Kummissjoni vs L-Irlanda
Highlight in text
Go|
30.4.2011 |
MT |
Il-Ġurnal Uffiċjali tal-Unjoni Ewropea |
C 130/10 |
Rikors ippreżentat fil-15 ta’ Frar 2011 — Il-Kummissjoni Ewropea vs Ir-Renju tal-Pajjiżi l-Baxxi
(Kawża C-65/11)
2011/C 130/19
Lingwa tal-kawża: l-Olandiż
Partijiet
Rikorrenti: Il-Kummissjoni Ewropea (rappreżentanti: A. Nijenhuis u D. Triantafyllou, aġenti)
Konvenut: Ir-Renju tal-Pajjiżi l-Baxxi
Talbiet
Il-Kummissjoni titlob li l-Qorti tal-Ġustizzja tal-Unjoni Ewropea jogħġobha:
|
— |
tikkonstata li, billi ma kkonsultax il-Kumitat tal-VAT u billi awtorizza li persuni mhux taxxabbli jaderixxu ma’ unità fiskali, kif jirriżulta mid-deċiżjoni Nru VB91/347, tat-18 ta’ Frar 1991, ir-Renju tal-Pajjiżi l-Baxxi naqas milli jwettaq l-obbligi tiegħu taħt l-Artikoli 9 u 11 tad-Direttiva tal-Kunsill 2006/112/KE (1), tat-28 ta’ Novembru 2006, dwar is-sistema komuni ta’ taxxa fuq il-valur miżjud; |
|
— |
tikkundanna lir-Renju tal-Pajjiżi l-Baxxi għall-ispejjeż. |
Motivi u argumenti prinċipali
L-Artikolu 9(1) tad-Direttiva 2006/112/KE jipprovdi li “persuna taxxabbli” għandha tfisser kull persuna li, b’mod indipendenti, twettaq fi kwalunkwe post kwalunkwe attività ekonomika, ikun x’ikunu l-iskop jew ir-riżultati ta’ dik l-attività. L-Artikolu 11 tad-Direttiva tal-VAT jipprovdi li wara konsultazzjoni mal-Kumitat Konsultattiv tat-taxxa fuq il-valur miżjud (“Kumitat tal-VAT”), kull Stat Membru jista’ jikkunsidra bħala persuna taxxabbli waħedha kwalunkwe persuni stabbiliti fit-territorju ta’ dak l-Istat Membru li, filwaqt li huma indipendenti legalment, ikollhom x’jaqsmu mill-qrib ma’ xulxin b’rabtiet finanzjarji, ekonomiċi u organizzattivi.
Skont il-Kummissjoni, il-Pajjiżi Baxxi naqsu milli jwetttqu l-obbligi tagħhom taħt l-Artikoli 9 u 11 tad-Direttiva 2006/112/KE billi awtorizzaw li persuni mhux taxxabbli jaderixxu ma’ unità fiskali. Minbarra dan, billi ma kkonsultawx il-Kumitat tal-VAT, il-Pajjiżi l-Baxxi ma osservawx l-Artikolu 11tad-Direttiva VAT.
(1) ĠU L 347, p. 1