23.11.2013 |
MT |
Il-Ġurnal Uffiċjali tal-Unjoni Ewropea |
C 344/48 |
Talba għal deċiżjoni preliminari mressqa mill-Administrativen sad — Varna (il-Bulgarija) fit-13 ta’ Settembru 2013 — “Traum” EOOD vs Direktor na Direktsia “Obzhalvane i danachno osiguritelna praktika” — grad Varna pri Tsentralno Upravlenie na Natsionalnata Agentsia za Prihodite
(Kawża C-492/13)
2013/C 344/83
Lingwa tal-kawża: il-Bulgaru
Qorti tar-rinviju
Administrativen sad — Varna
Partijiet fil-kawża prinċipali
Rikorrenti:“Traum” EOOD
Konvenut: Direktor na Direktsia “Obzhalvane i danachno osiguritelna praktika” — grad Varna pri Tsentralno Upravlenie na Natsionalnata Agentsia za Prihodite
Domandi preliminari
(1) |
Għandu jiġi kkunsidrat li l-kundizzjoni għall-eżenzjoni prevista fl-Artikolu 138(1) tad-Direttiva 2006/112/KE (1) hija sodisfatta u li d-deroga prevista fit-tieni sentenza tal-Artikolu 139(1) ma għandhiex tapplika f’każ bħal dak fil-kawża prinċipali, fejn ġie kkonstatat li l-fatt li x-xerrej tal-oġġetti ma għandux il-kwalità ta’ “persuna rreġistrata għall-finijiet tal-VAT” ġie indikat fis-sistema ta’ informazzjoni tal-Unjoni wara li twettqet il-kunsinna, u fejn ir-rikorrenti ssostni li hija eżerċitat id-diliġenza neċessarja meta f’din is-sistema hija talbet għal informazzjoni mhux dokumentata? Ir-reġistrazzjoni tardiva tal-kwalità ta’ “persuna li ma hijiex irreġistrata għall-finijiet tal-VAT” tirriżulta mill-informazzjoni stampata tal-amministrazzjoni fiskali. |
(2) |
Prattika amministrattiva u ġurisprudenza li jobbligaw lill-bejjiegħ (min jikkunsinna skont il-kuntratt tal-ġarr) jistabbilixxi l-awtentiċità tal-firma tax-xerrej u, jekk din il-firma hijiex dik ta’ persuna li tirrappreżenta l-kumpannija xerrejja, ta’ wieħed mill-impjegati tagħha, li jokkupa funzjoni korrispondenti, jew ta’ mandatarju, tmur kontra l-prinċipji ta’ newtralità fiskali, ta’ proporzjonalità u ta’ protezzjoni tal-aspettattivi leġittimi? |
(3) |
F’każ bħal dan preżenti, l-Artikolu 138(1) tad-Direttiva 2006/112/KE joħloq effett dirett u l-qorti nazzjonali tista’ tapplikah direttament? |
(1) Direttiva tal-Kunsill 2006/112/KE, tat-28 ta’ Novembru 2006, dwar is-sistema komuni ta’ taxxa fuq il-valur miżjud (ĠU L 347, p. 1).