28.5.2018 |
MT |
Il-Ġurnal Uffiċjali tal-Unjoni Ewropea |
C 182/13 |
Talba għal deċiżjoni preliminari mressqa mit-Tribunal Supremo (Spanja) fid-9 ta’ Marzu 2018 – Oro Efectivo S.L. vs Diputación Foral de Bizkaia
(Kawża C-185/18)
(2018/C 182/16)
Lingwa tal-kawża: l-Ispanjol
Qorti tar-rinviju
Tribunal Supremo
Partijiet fil-kawża prinċipali
Rikorrenti: Oro Efectivo S.L.
Konvenut: Diputación Foral de Bizkaia
Domanda preliminari
Id-Direttiva tal-Kunsill 2006/112/KE tat-28 ta’ Novembru 2006 dwar is-sistema komuni ta’ taxxa fuq il-valur miżjud (1), u l-prinċipju ta’ newtralità fiskali li jirriżulta minn din id-direttiva, kif ukoll il-ġurisprudenza tal-Qorti tal-Ġustizzja tal-Unjoni Ewropea li tinterpretaha, jipprekludu leġiżlazzjoni nazzjonali li tipprevedi li Stat Membru jista’ jeżiġi l-ħlas ta’ taxxa indiretta separata mit-taxxa fuq il-valur miżjud (VAT) mingħand imprenditur jew mingħand professjonist għax-xiri mingħand persuna privata ta’ proprjetà mobbli (speċifikament, deheb, fidda u ġojjellerija) meta:
1) |
l-oġġett mixtri ser jintuża, permezz tal-ipproċessar u tat-trasferiment ulterjuri tiegħu, għall-attività ekonomika nnifisha tal-imsemmi imprenditur. |
2) |
fil-kuntest tal-introduzzjoni mill-ġdid fil-kummerċ tal-oġġett mixtri, ser jitwettqu tranżazzjonijiet suġġetti għall-VAT, u meta |
3) |
il-leġiżlazzjoni applikabbli f’dan l-istess Stat ma tippermettix li l-imprenditur jew il-professjonist jnaqqas, fil-kuntest ta’ dawn it-tranżazzjonijiet, l-ammont imħallas abbażi ta’ din it-taxxa fil-kuntest tal-ewwel waħda mill-imsemmija xirjiet? |
(1) ĠU 2006 L 347, p. 1.