24.8.2020 |
MT |
Il-Ġurnal Uffiċjali tal-Unjoni Ewropea |
C 279/34 |
Talba għal deċiżjoni preliminari mressqa mill-Högsta förvaltningsdomstolen (l-Isvezja) fid-9 ta’ Ġunju 2020 – Skatteverket vs Skellefteå Industrihus Aktiebolag
(Kawża C-248/20)
(2020/C 279/45)
Lingwa tal-kawża: l-Isvediż
Qorti tar-rinviju
Högsta förvaltningsdomstolen
Partijiet fil-kawża prinċipali
Rikorrenti: Skatteverket
Konvenuta: Skellefteå Industrihus Aktiebolag
Domanda preliminari
Huwa kompatibbli mad-Direttiva 2006/112/KE (1), b’mod partikolari mal-Artikoli 137, 168, 184 sa 187, 189 u 192 tagħha, il-fatt li proprjetarju ta’ proprjetà immobbli, li bbenefika mis-sistema ta’ tassazzjoni fakultattiva matul il-kostruzzjoni ta’ binja u li naqqas it-taxxa tal-input li kienet imposta fuq xiri intiż għal dan il-proġett ta’ bini, jintalab ir-rimbors immedjat tal-ammont sħiħ ta’ din it-taxxa tal-input, flimkien mal-interessi, minħabba li l-obbligu ta’ tassazzjoni ntemm bl-interruzzjoni ta’ dan il-proġett, qabel it-tlestija tal-kostruzzjoni tal-binja u għalhekk qabel il-konklużjoni ta’ kwalunkwe kirja?
(1) Direttiva tal-Kunsill tat-28 ta’ Novembru 2006 dwar is-sistema komuni ta’ taxxa fuq il-valur miżjud (ĠU 2006, L 347, p. 1, rettifika fil-ĠU 2007, L 335, p. 60).