EU tax law WEB NCC Construction Danmark - C-174/08

5.7.2008   

MT

Il-Ġurnal Uffiċjali ta’ l-Unjoni Ewropea

C 171/25

1)

Il-kunċett ta' “transazzjonijiet inċidentali għal beni immobbli” li jinsab fit-tieni sentenza ta' l-Artikolu 19(2) tas-Sitt Direttiva tal-VAT (1), għandu jiġi interpretat fis-sens li f'dawn jaqgħu taħt l-attivitajiet ta' kumpannija tal-kostruzzjoni suġġetti għall-VAT, li huma konnessi mal-bejgħ sussegwenti ta' immobbli mibnija mill-kumpannija f'isimha stess, bħala attività kompletament suġġetta għall-VAT bil-għan finali ta' bejgħ sussegwenti?

2)

Għall-finijiet tar-risposta għall-ewwel domanda, hija rilevanti l-portata ta' l-attivitajiet ta' bejgħ, ikkunsidrati separatment, li bihom jimplikaw użu ta' oġġetti u servizzi li għalihom għandha titħallas il-VAT?

3)

Hija kompatibbli mal-prinċipju tan-newtralità tal-VAT għal kumpannija tal-kostruzzjoni li, skond il-liġi fis-seħħ ta' l-Istat Membru in kwistjoni — ibbażata fuq l-Artikoli 5(7) u 6(3) tas-Sitt Direttiva tal-VAT — ikollha tħallas il-VAT fuq il-provvista interna għall-kostruzzjoni ta' beni immobbli f'isimha stess bil-għan ta' bejgħ sussegwenti, li jkollha biss dritt parzjali li tnaqqas il-VAT għall-ispejjeż ġenerali li għamlet il-kumpannija, peress li l-bejgħ sussegwenti ta' l-immobbli skond il-liġi tal-VAT ta' l-Istat Membru huwa eżenti mill-VAT fuq il-bażi tal-qari flimkien ta' l-Artikolu 28(3)(b) u l-punt 16 ta' l-Anness F?