30.1.2010 |
MT |
Il-Ġurnal Uffiċjali tal-Unjoni Ewropea |
C 24/25 |
Rikors ippreżentat fl-4 ta’ Novembru 2009 — Il-Kummissjoni tal-Komunitajiet Ewropej vs Ir-Repubblika tal-Awstrija
(Kawża C-433/09)
2010/C 24/45
Lingwa tal-kawża: Il-Ġermaniż
Partijiet
Rikorrenti: Il-Kummissjoni tal-Komunitajiet Ewropej (rappreżentant: D. Triantafyllou, aġent)
Konvenuta: Ir-Repubblika tal-Awstrija
Talbiet tar-rikorrenti
— |
tiddikjara li, billi inkludiet fl-ammont taxxabbli t-taxxa fuq il-valur miżjud imposta fl-Awstrija fuq il-kunsinna ta’ vettura bil-mutur skont il-konsum medju tagħha, ir-Repubblika tal-Awstrija ma osservatx l-obbligi tagħha taħt l-Artikoli 78 u 79 tad-Direttiva tal-VAT 2006/112/KE (1); |
— |
tikkundanna lir-Repubblika tal-Awstrija għall-ispejjeż. |
Motivi u argumenti prinċipali
Il-Kummissjoni tikkontesta l-inklużjoni tat-taxxa skont il-konsum medju (NoVA) fl-ammont taxxabbli mal-kunsinna ta’ vettura fir-Repubblika tal-Awstrija permezz ta’ din it-taxxa imposta.
It-taxxa skont il-konsum medju tikkostitwixxi bażikament taxxa ta’ reġistrazzjoni li titħallas darba, li l-karatteristika prinċipali tagħha hija r-reġistrazzjoni ta’ vettura bil-mutur fir-Repubblika tal-Awstrija. Għaldaqstant il-ġurisprudenza tal-Qorti tal-Ġustizzja fil-Kawża C-98/05 (2), li tipprovdi li taxxa bħal din m’għandhiex tiġi inkluża fl-ammont taxxabbli tal-VAT hija applikabbli għal din il-kawża.
(1) Direttiva tal-Kunsill 2006/112/KE, tat-28 ta’ Novembru 2006, dwar is-sistema komuni ta’ taxxa fuq il-valur miżjud (ĠU L 347, p. 1).
(2) Sentenza tal-Qorti tal-Ġustizzja, tal-1 ta’ Ġunju 2006, De Danske Bilimportører (C-98/05, Ġabra 2006 I-4945)