23.7.2011 |
MT |
Il-Ġurnal Uffiċjali tal-Unjoni Ewropea |
C 219/8 |
Talba għal deċiżjoni preliminari mressqa mill-Nejvyšší Správní Soud (Repubblika Ċeka) fil-11 ta’ Mejju 2011 — Star Coaches s.r.o. vs Finanční ředitelství pro hlavní město Prahu
(Kawża C-220/11)
2011/C 219/10
Lingwa tal-kawża: iċ-Ċek
Qorti tar-rinviju
Nejvyšší Správní Soud
Partijiet fil-kawża prinċipali
Rikorrenti: Star Coaches, s.r.o.
Konvenuta: Finanční ředitelství pro hlavní město Prahu
Domandi preliminari
(1) |
L-Artikolu 306 tad-Direttiva tal-Kunsill 2006/112/KE, tat-28 ta’ Novembru 2006, dwar is-sistema komuni ta’ taxxa fuq il-valur miżjud (1) japplika biss fuq servizzi pprovduti minn aġenziji tal-ivvjaġġar lill-konsumaturi finali ta’ servizz tal-ivvjaġġar (lill-passiġġieri) jew ukoll fuq is-servizzi pprovduti lil persuni oħra (lill-klijenti)? |
(2) |
Kumpannija tat-trasport li sempliċement tipprovdi trasport ta’ persuni billi tipprovdi trasport bix-xarabank lil aġenziji tal-ivvjaġġar (mhux direttament lill-passiġġieri) u li ma tipprovdix servizzi oħra (akkomodazzjoni, informazzjoni, konsulenza eċċ), tista’ titqies bħala aġenzija tal-ivvjaġġar għall-finijiet tal-Artikolu 306 tad-Direttiva tal-Kunsill 2006/112/KE, tat-28 ta’ Novembru 2006, dwar is-sistema komuni ta’ taxxa fuq il-valur miżjud? |
(1) ĠU L 347, p. 1.