31.3.2012 |
MT |
Il-Ġurnal Uffiċjali tal-Unjoni Ewropea |
C 98/12 |
Talba għal deċiżjoni preliminari mressqa mis-Supremo Tribunal Administrativo (Il-Portugall) fis-16 ta’ Jannar 2012 — TVI Televisão Independente SA vs Fazenda Pública
(Kawża C-17/12)
2012/C 98/18
Lingwa tal-kawża: il-Portugiż
Qorti tar-rinviju
Supremo Tribunal Administrativo
Partijiet fil-kawża prinċipali
Rikorrenti: TVI Televisão Independente SA
Konvenuta: Fazenda Pública
Domandi preliminari
(1) |
It-taxxa fuq ix-xandir, imponuta mir-rikorrenti fuq ix-xandara, fil-kwalità tagħha ta’ sostituzzjoni għat-taxxa, b’mod konformi mal-Artikolu 50(1) tad-Digriet Liġi Nru 227/2006, taqa’ taħt il-valur taxxabbli tal-VAT fis-sens tal-Artikolu 11(A)(1)(a) tad-Direttiva 77/388/KEE (1) (li sar l-Artikolu 79(ċ) tad-Direttiva tal-Kunsill 2006/112/KE (2) tat-28 ta’ Novembru 2006), b’mod partikolari peress li tikkostitwixxi l-“ħlas miksub jew li għandu jinkiseb mill-fornitur” għall-provvisti ta’ oġġetti u ta’ servizzi? |
(2) |
It-taxxa fuq ix-xandir, imponuta mir-rikorrenti fuq ix-xandara, fil-kwalità tagħha ta’ sostituzzjoni għat-taxxa, u rreġistrata fil-kontabbiltà tagħha f’kont ta’ terzi, għandha taqa’ taħt il-kunċett ta’ “ammonti riċevuti minn persuna taxxabbli mill-konsumatur, bħala ħlas lura għan-nefqa mħallsa fl-isem u għall-konsumatur, u li huma mdaħħla fil-kotba tiegħu f’kont ta’ sospiża” fis-sens tal-Artikolu 11(A)(3)(ċ) tad-Direttiva 77/388/KEE (li sar l-Artikolu 79(ċ) tad-Direttiva tal-Kunsill 2006/112/KE, tat-28 ta’ Novembru 2006)? |
(3) |
Konsegwentement, dawn l-ammonti imponuti mir-rikorrenti abbażi tat-taxxa fuq ix-xandir għandhom jiġu inklużi fil-valur taxxabbli għall-finijiet tal-VAT? |
(1) Is-Sitt Direttiva tal-Kunsill, tas-17 ta’ Mejju 1977, fuq l-armonizzazzjoni tal-liġijiet tal-Istati Membri dwar taxxi fuq id-dħul mill-bejgħ — Sistema komuni ta’ taxxa fuq il-valur miżjud: bażi uniformi ta’ stima (ĠU Edizzjoni Speċjali bil-Malti, Kapitolu 9, Vol. 1, p. 23)
(2) Direttiva tal-Kunsill 2006/112/KE, ta’ 28 ta’ Novembru 2006 dwar is-sistema komuni ta’ taxxa fuq il-valur miżjud (ĠU L 347, p. 1)