9.3.2015 |
MT |
Il-Ġurnal Uffiċjali tal-Unjoni Ewropea |
C 81/10 |
Appell ippreżentat fid-19 ta’ Jannar 2015 mill-Kummissjoni Ewropea mis-sentenza mogħtija mill-Qorti Ġenerali (It-Tieni Awla Estiża) fis-7 ta’ Novembru 2014 fil-Kawża T-219/10, Autogrill España vs Il-Kummissjoni
(Kawża C-20/15 P)
(2015/C 081/13)
Lingwa tal-kawża: l-Ispanjol
Partijiet
Appellanti: Il-Kummissjoni Ewropea (rappreżentanti: R. Lyal, B. Stromsky, C. Urraca Caviedes u P. Němečková, aġenti)
Parti oħra fil-proċedura: Autogrill España, S.A.
Talbiet
— |
tannulla s-sentenza appellata; |
— |
terġa’ tibgħat il-kawża quddiem il-Qorti Ġenerali tal-Unjoni Ewropea; |
— |
tirriżerva d-deċiżjoni dwar l-ispejjeż. |
Aggravji u argumenti prinċipali
Il-Qorti Ġenerali wettaq żball ta’ liġi, billi interpretat b’mod żbaljat l-Artikolu 107(1) TFUE, u, b’mod partikolari, il-kunċett ta’ selettività ta’ għajnuna mill-Istat li jinsab fl-artikolu msemmi.
Dan l-uniku aggravju huwa maqsum f’żewġ partijiet, misluta mill-iżball ta’ liġi msemmi:
— |
fl-ewwel lok, il-Qorti Ġenerali żbaljat billi rrikjediet, sabiex turi li miżura hija selettiva, l-obbligu li jiġi ddeterminat grupp ta’ impriżi b’karatteristiċi speċifiċi u inerenti (identifikabbli ex ante); u |
— |
fit-tieni lok, il-Qorti Ġenerali interpretat b’mod żbaljat il-kunċett ta’ selettività billi wettqet distinzjoni artifiċjali bejn l-għajnuna għall-esportazzjoni ta’ oġġetti u l-għajnuna għall-esportazzjoni ta’ kapital. |