Available languages

Taxonomy tags

Info

References in this case

References to this case

Share

Highlight in text

Go

11.10.2008   

MT

Il-Ġurnal Uffiċjali ta’ l-Unjoni Ewropea

C 260/5

Talba għal deċiżjoni preliminari mressqa mill-Qorti tal-Prim'Istanza ta' Mons (Il-Belġju) fl-14 ta' Lulju 2008 — Société de Gestion Industrielle (SGI) vs L-Istat tal-Belġju

(Kawża C-311/08)

(2008/C 260/07)

Lingwa tal-kawża: Il-Franċiż

Qorti tar-rinviju

Tribunal de première instance de Mons

Partijiet fil-kawża prinċipali

Rikorrenti: Société de Gestion Industrielle (SGI)

Konvenuta: L-Istat tal-Belġju

Domandi preliminari

1)

L-Artikolu 43 tat-Trattat KE, flimkien ma' l-Artikoli 48 KE u, jekk ikun il-każ, ma' l-Artikolu 12 ta' l-istess Trattat, jipprekludi leġiżlazzjoni ta' Stat Membru li, bħal dik in kwistjoni, twassal għal taxxa fuq vantaġġ eċċezzjonali jew mingħajr korrispettiv ta' kumpannija residenti fil-Belġju li tat lil kumpannija stabbilita fi Stat Membru ieħor, li magħha l-kumpannija Belġjana hija marbuta, direttament jew indirettament, b'relazzjoni ta' interdipendenza, filwaqt li, f'kundizzjonijiet identiċi, ma tistax tiġi imposta taxxa meta dan il-vantaġġ jingħata lil kumpannija oħra stabbilita fil-Belġju, li magħha l-kumpannija Belġjana hija marbuta, direttament jew indirettament, b'relazzjoni ta' interdipendenza?

2)

L-Artikolu 56 tat-Trattat KE, flimkien ma' l-Artikolu 48 u, jekk ikun il-każ, ma' l-Artikolu 12 KE, jipprekludi leġiżlazzjoni ta' Stat Membru li, bħal dik in kwistjoni, twassal għal taxxa fuq vantaġġ eċċezzjonali jew mingħajr korrispettiv ta' kumpannija residenti fil-Belġju li tat lil kumpannija stabbilita fi Stat Membru ieħor, li magħha l-kumpannija Belġjana hija marbuta, direttament jew indirettament, b'relazzjoni ta' interdipendenza, filwaqt li, f'kundizzjonijiet identiċi, ma tistax tiġi imposta taxxa meta dan il-vantaġġ jingħata lil kumpannija oħra stabbilita fil-Belġju, li magħha l-kumpannija Belġjana hija marbuta, direttament jew indirettament, b'relazzjoni ta' interdipendenza?